Жаңылыктар

Бүгүн, 2026-жылдын 1-июнунда, Балдарды коргоонун эл аралык күнүндө Кыргыз Республикасынын Президентинин Иш башкаруучусу Каныбек Туманбаев №172 «Арген» бала бакчасына барып, жүргүзүлгөн оңдоо иштеринин жыйынтыктары менен таанышты.

Бишкек, 29-апрель - Кыргыз Республикасынын Министрлер Кабинетинин Төрагасы – Президенттик Администрациянын Жетекчиси Адылбек Касымалиев жана Того Республикасынын Министрлер Кеңешинин Төрагасы Фор Эссозимна Гнассингбе Кыргыз Республикасынын Президентинин Иш башкармалыгына караштуу “Учкун” ачык акционердик коомунун иши менен таанышты.

Бишкек шаарында 2026-жылдын 23-март күнү Кыргыз Республикасынын Президентинин Иш башкаруучусу Каныбек Туманбаев жаңы, заманбап “Манас” маданий комплексинин курулушуна старт берди. Туманбаев: “Бүгүнкү күндө мамлекет башчыбыздын түз колдоосу менен руханий дөөлөттөрдү даңазалоо, улуттук баалуулуктарды сактоо жана өнүктүрүү багытында ири иштер жүзөгө ашырылып жатат. Анын бир көрүнүктүү мисалы — мына ушул “Манас” борборунун курулушу. Бул борбор — жөн гана имарат эмес, бул келечек муундарга багытталган улуу идеянын, улуттук аң-сезимдин символу. Өзгөчө белгилей кетүүчү жагдай “Манас” борборунун курулушу — бул заман талабына жооп берген, туруктуу өнүгүүгө багытталган маанилүү кадам. Биз бул ишке чоң жоопкерчилик менен мамиле кылып, курулушту белгиленген мөөнөттө — 2026-жылдын декабрь айында толук бүткөрүүнү максат кылып жатабыз.”-деп билдирди. Долбоордун алкагында курулуш үчүн 2 га жер тилкеси бөлүнгөн. Имараттын жалпы аянты 6681 чарчы метрди түзөт. Долбоорго ылайык үч кабаттуу көп функционалдуу комплекс курулат: • биринчи кабатта — 500 орундуу заманбап банкеттик зал, ашкана жана техникалык кызматкерлер үчүн бардык шарттар каралган кызматтык бөлмөлөр жайгашат; • экинчи кабатта — 1300 орундуу чоң концерттик зал, ошондой эле чыгармачыл инсандар үчүн атайын даярдануучу бөлмөлөр каралган; • үчүнчү кабатта — улуу баянга арналган көргөзмө музей орун алып, борбордун туруктуу жана натыйжалуу иш алып баруусуна шарт түзүлөт. Курулуш Кыргыз Республикасынын Президентинин Иш башкармасы тарабынан ишке ашырылат.

Бишкек шаарында курулуп жаткан «Бишкек Арена» стадионунун курулуш иштери активдүү уланууда. Долбоордун негизги бөлүгү бүткөрүлүп, объект акыркы этаптарына жакындап калды.