Президенттин Иш башкаруучусу Каныбек Туманбаев Профсоюздар федерациясынан өткөрүп алынган санаторий-курорт мекемелеринин жетекчилери менен жыйын өткөрдү. Жолугушууда Туманбаев жетекчилерге мыйзамдуулукту бекем сактоо керектигин эскертип, коррупциядан алыс болууга чакырды. “Эми жаңы мыйзамдардын шартында мыйзам бузуу өзүңөр үчүн гана эмес, жакындарыңардын тагдырына да терс таасирин берет. Бир чечим бүтүн тагдырды өзгөртүшү мүмкүн”, — деди ал. Туманбаев коррупцияны жоюунун эң таасирдүү жолу катары санариптештирүүнү атады. “Адамдык факторду азайтуу менен биз мыйзамсыз аракеттерге бөгөт коё алабыз. Санариптик башкаруу — бул таза, ачык-айкын жана жоопкерчиликтүү иштөөнүн негизги куралы”, — деп белгиледи. Ошондой эле Каныбек Туманбаев Президент Садыр Жапаровдун тапшырмасына ылайык, быйыл бир катар маанилүү курорттук мекемелер кайрадан элге жеткиликтүү болорун билдирди: “Президент Садыр Жапаровдун тапшырмасы менен быйыл ‘Жети-Өгүз’ курорту, ‘Улан’ балдардын ден соолугун чыңдоо борбору жана ‘Көгүлтүр Ысык-Көл’ пансионаты капиталдык оңдоп-түзөөдөн өткөрүлүп, заманбап шартта элге кызмат көрсөтө баштайт.” Мурда бул мекемелер Профсоюздар федерациясынын карамагында болуп, көпчүлүгү жараксыз абалга кептелген. Президенттин Иш башкармасына өтүшү менен алардын экинчи өмүрү башталып, заманбап жана эффективдүү башкаруу киргизилди. Айрым санаторий жана курорттордун кызматкерлеринин айлык акылары 70%га чейин өстү. Алдыда бардык мекемелердин кызматкерлеринин айлыктарын жогорулатуу планы бар. Буга чейин “Жыргалаң” жана “Ысык-Ата” курорттору да толук оңдолуп, кайра ишке берилген. Бул — мамлекеттин социалдык туризмди өнүктүрүүгө жана калктын ден соолугун чыңдоого болгон конкреттүү кадамы.114:14
Бүгүн, 18-апрелде, Кыргыз Республикасынын Президентинин Иш башкаруучусу Каныбек Туманбаев өнүктүрүү боюнча өнөктөштөрдүн координациялык кеңешинин алкагында Кыргызстандагы ПРООНдун туруктуу өкүлү Александра Соловьёва менен жолугушуу өткөрдү. Жолугушуунун жүрүшүндө Каныбек Туманбаев акыркы беш жыл ичинде өлкөдө санариптештирүү тиешелүү деңгээлде координацияланбаганын жана системалуу ыкманын жоктугун белгиледи. Бүгүнкү күндө Кыргыз Республикасынын Президентинин тапшырмасына ылайык, санариптик трансформация жаңы баскычка чыкканын баса белгиледи: «Бүгүн бизде керектүүнүн баары бар – саясий эрк, ресурстар жана кайда багыт алыш керектиги боюнча так түшүнүк. Максатка жетүүгө эч кандай тоскоолдук жок. Президенттин Иш башкармалыгы жана анын алдындагы “Кызмат” мекемеси баш болгон мамлекеттик органдар бирдиктүү команда катары иш алып барууда», – деди Туманбаев. Жолугушуудан кийин Электрондук башкаруу жана маалыматтык-коммуникациялык технологиялар боюнча жумушчу топтун жыйыны өтүп, учурдагы санариптик демилгелердин жыйынтыктары чыгарылып, 2025–2026-жылдарга карата артыкчылыктуу багыттар аныкталды. Катышуучуларга Президенттин Иш башкармалыгы, Санариптик өнүктүрүү министрлиги жана Президенттин Иш башкармасына караштуу “Кызмат” мамлекеттик мекемеси тарабынан иштелип чыккан биргелешкен санариптештирүү программасы сунушталды.
16-апрелде Бишкек шаарындагы “Мурас” турак жай комплексинде 476 үй-бүлөгө батирлердин ачкычы тапшырылды. Бул — турак жай менен камсыз кылуу боюнча жүргүзүлүп жаткан системалуу иштин алкагындагы кезектеги этап. Белгилүү болгондой, “Мурас” комплекси “Менин үйүм” мамлекеттик программасынын негизинде Мамлекеттик ипотекалык компания тарабынан курулууда. Президенттин Иш башкармалыгынын жетекчиси Каныбек Туманбаевдин айтымында, бул күн — жөн гана курулуш объектисинин бүткөн күнү эмес, жүздөгөн үй-бүлөлөр үчүн жашоонун жаңы баскычынын башталышы. «Бул — миңдеген тилектердин, жылдар бою топтолгон үмүттүн ишке ашкан күнү. Ар бир ачылган батирде үй-бүлөнүн тарыхы башталат. Ар бир бала, эгер өз үйү болсо — эртеңине ишенет. Биз дал ошол ишенимди куруп жатабыз», — деди Туманбаев. Анын айтымында, учурда өлкө боюнча турак жай менен камсыз кылуу иштери системалуу жана ырааттуу негизде жүрүп жатат. «Бул — жарнама эмес. Бул — мамлекеттик чечим, системалуу иш жана элге болгон чыныгы жоопкерчилик. Президент Садыр Жапаровдун түз колдоосу менен бүгүн бүтүндөй өлкө боюнча миңдеген үй-бүлөлөр үчүн эшиктер ачылып жатат. Бул иштерди “жетишкендик” катары эмес, болушу керек болгон мамлекеттик стандарт катары кабыл алып жатабыз», — деп белгиледи ал.
Бүгүн, 2-апрелде Президент Садыр Жапаровдун тапшырмасы менен Президенттин Иш башкаруучусу Каныбек Туманбаев Нарын облусуна иш сапары менен барды. Анда, облустун өнүгүүсүнө багытталган долбоорлор, Нарын шаарындагы инновациялык креативдүү демилгелер борбору менен таанышты. Аталган долбоордо 3 кабаттан турган имаратта заманбап китепкана, музей, инновоциялык теле-үн жазуу студиясы, кинотеатр, концерттик зал жана IT-аймактары каралган. Бир күндүк иш сапардын алкагында Нарын дарыясынын үстүнө салына турган 200 метрлик айнек көпүрөнүн долбоорун көрдү. Мамлекет Нарын облусундагы ички туризмди өнүктүрө турган жана социалдык долбоорлорду колдоп жатат. Бул жылы “Невский” бульвары, балдар үчүн оюн-зоок борбору, муниципалдык мончону куруу пландары коюлган. Президенттин иш башкаруучусу Каныбек Туманбаев аймактарды өнүктүрүү саясатынын маанилүүлүгүн белгилеп, бул долбоорлор сөзсүз ишке ашырыларын айтты: “Урматтуу президентибиз региондорду өнүктүрүүгө чоң маани берүүдө. Нарын шаары өз статусуна жооп бере тургандай болушу шарт. Учурда санариптештирүүнү күчөтүшүбүз зарыл. Ар бир кызмат көрсөтүү онлайн болушу керек. Өнүгүүнү дал ушул тармакта алдыга жылдырабыз. Кагаз иштерин электрондук форматка өткөрүү, максатка ылайык деп эсептейм. IT тармагынын өнүгүшү элдин жашоосун жеңилдетет. Бардык кызматтарды онлайн режимге өткөрүү – биздин башкы милдеттерибиздин бири.”
Иш башкармасы - Кыргыз Республикасынын Президентинин, Кыргыз Республикасынын жогорку кызмат адамдарынын, Кыргыз Республикасынын Президентинин Иш башкармасынын жана Министрлер Кабинетинин ишин финансылык, материалдык-техникалык, транспорттук, социалдык жана медициналык жактан камсыз кылуучу өз алдынча мамлекеттик орган. . Азыркы учурда Иш башкармасы көп тармактуу уюм болуп саналат, анын материалдык-техникалык базасы жана жакшы даярдалган кадрлары ага белгиленген компетенциянын чегинде жүктөлгөн милдеттерди жана функцияларды жогорку профессионалдык деңгээлде аткарууга мүмкүндүк берет. Ишкердик башкаруунун схемасы борбордук аппараттын түзүмдүк бөлүмдөрүн (бөлүмдөрүн) жана 17 ведомстволук уюмдарды камтыйт, аларда ар кандай тармактардын эки миңден ашык жогорку кесипкөй адистери иштейт. Көп жылдык тажрыйба, кызматкерлердин дилгирлиги, команданын ынтымактуулугу Бизнес администрациясына Кыргыз Республикасынын мыйзамдарына ылайык өз ыйгарым укуктарын натыйжалуу ишке ашырууга мүмкүндүк берет. Кыргыз Республикасынын Президентинин Иш башкармасы менен биргеликте мамлекеттик маанидеги маанилүү иш-чараларды даярдоо жана өткөрүү боюнча жогорку уюштуруучулук деңгээлде иш алып барууда. Ведомствого караштуу уюмдар мамлекеттик администрациялык имараттарды, мамлекеттик резиденцияларды, клиникалык оорукананы, автотранспорттук ишкананы жана башка мекемелерди тейлешет, алар көрсөтүлүүчү кызматтардын натыйжалуулугун жана сапатын дайыма жогорулатууга багытталган. Жыйынтыктап айтканда, Кыргызстан экономикалык жактан күчтүү, демократиялык мамлекетти куруу жолуна түшкөнүн белгилегим келет. Жарандардын бакубаттуулугун чыңдоого, коррупцияга каршы күрөшүүгө, ачык коомду курууга багытталган реформалар жүргүзүлүүдө. Бул Кыргыз Республикасынын Президентинин Аппаратынын ишмердүүлүгүнө кошумча талаптарды белгилейт жана биздин алдыбызга жаңы максаттарды жана милдеттерди коюп жатат.
Жаңылыктар / 12:00, 22 апреля, 2025
Президенттин Иш башкаруучусу Каныбек Туманбаев Профсоюздар федерациясынан өткөрүп алынган санаторий-курорт мекемелеринин жетекчилери менен жыйын өткөрдү. Жолугушууда Туманбаев жетекчилерге мыйзамдуулукту бекем сактоо керектигин эскертип, коррупциядан алыс болууга чакырды. “Эми жаңы мыйзамдардын шартында мыйзам бузуу өзүңөр үчүн гана эмес, жакындарыңардын тагдырына да терс таасирин берет. Бир чечим бүтүн тагдырды өзгөртүшү мүмкүн”, — деди ал. Туманбаев коррупцияны жоюунун эң таасирдүү жолу катары санариптештирүүнү атады. “Адамдык факторду азайтуу менен биз мыйзамсыз аракеттерге бөгөт коё алабыз. Санариптик башкаруу — бул таза, ачык-айкын жана жоопкерчиликтүү иштөөнүн негизги куралы”, — деп белгиледи. Ошондой эле Каныбек Туманбаев Президент Садыр Жапаровдун тапшырмасына ылайык, быйыл бир катар маанилүү курорттук мекемелер кайрадан элге жеткиликтүү болорун билдирди: “Президент Садыр Жапаровдун тапшырмасы менен быйыл ‘Жети-Өгүз’ курорту, ‘Улан’ балдардын ден соолугун чыңдоо борбору жана ‘Көгүлтүр Ысык-Көл’ пансионаты капиталдык оңдоп-түзөөдөн өткөрүлүп, заманбап шартта элге кызмат көрсөтө баштайт.” Мурда бул мекемелер Профсоюздар федерациясынын карамагында болуп, көпчүлүгү жараксыз абалга кептелген. Президенттин Иш башкармасына өтүшү менен алардын экинчи өмүрү башталып, заманбап жана эффективдүү башкаруу киргизилди. Айрым санаторий жана курорттордун кызматкерлеринин айлык акылары 70%га чейин өстү. Алдыда бардык мекемелердин кызматкерлеринин айлыктарын жогорулатуу планы бар. Буга чейин “Жыргалаң” жана “Ысык-Ата” курорттору да толук оңдолуп, кайра ишке берилген. Бул — мамлекеттин социалдык туризмди өнүктүрүүгө жана калктын ден соолугун чыңдоого болгон конкреттүү кадамы.114:14
Жаңылыктар / 03:00, 18 апреля, 2025
Бүгүн, 18-апрелде, Кыргыз Республикасынын Президентинин Иш башкаруучусу Каныбек Туманбаев өнүктүрүү боюнча өнөктөштөрдүн координациялык кеңешинин алкагында Кыргызстандагы ПРООНдун туруктуу өкүлү Александра Соловьёва менен жолугушуу өткөрдү. Жолугушуунун жүрүшүндө Каныбек Туманбаев акыркы беш жыл ичинде өлкөдө санариптештирүү тиешелүү деңгээлде координацияланбаганын жана системалуу ыкманын жоктугун белгиледи. Бүгүнкү күндө Кыргыз Республикасынын Президентинин тапшырмасына ылайык, санариптик трансформация жаңы баскычка чыкканын баса белгиледи: «Бүгүн бизде керектүүнүн баары бар – саясий эрк, ресурстар жана кайда багыт алыш керектиги боюнча так түшүнүк. Максатка жетүүгө эч кандай тоскоолдук жок. Президенттин Иш башкармалыгы жана анын алдындагы “Кызмат” мекемеси баш болгон мамлекеттик органдар бирдиктүү команда катары иш алып барууда», – деди Туманбаев. Жолугушуудан кийин Электрондук башкаруу жана маалыматтык-коммуникациялык технологиялар боюнча жумушчу топтун жыйыны өтүп, учурдагы санариптик демилгелердин жыйынтыктары чыгарылып, 2025–2026-жылдарга карата артыкчылыктуу багыттар аныкталды. Катышуучуларга Президенттин Иш башкармалыгы, Санариптик өнүктүрүү министрлиги жана Президенттин Иш башкармасына караштуу “Кызмат” мамлекеттик мекемеси тарабынан иштелип чыккан биргелешкен санариптештирүү программасы сунушталды.
Жаңылыктар / 03:00, 16 апреля, 2025
16-апрелде Бишкек шаарындагы “Мурас” турак жай комплексинде 476 үй-бүлөгө батирлердин ачкычы тапшырылды. Бул — турак жай менен камсыз кылуу боюнча жүргүзүлүп жаткан системалуу иштин алкагындагы кезектеги этап. Белгилүү болгондой, “Мурас” комплекси “Менин үйүм” мамлекеттик программасынын негизинде Мамлекеттик ипотекалык компания тарабынан курулууда. Президенттин Иш башкармалыгынын жетекчиси Каныбек Туманбаевдин айтымында, бул күн — жөн гана курулуш объектисинин бүткөн күнү эмес, жүздөгөн үй-бүлөлөр үчүн жашоонун жаңы баскычынын башталышы. «Бул — миңдеген тилектердин, жылдар бою топтолгон үмүттүн ишке ашкан күнү. Ар бир ачылган батирде үй-бүлөнүн тарыхы башталат. Ар бир бала, эгер өз үйү болсо — эртеңине ишенет. Биз дал ошол ишенимди куруп жатабыз», — деди Туманбаев. Анын айтымында, учурда өлкө боюнча турак жай менен камсыз кылуу иштери системалуу жана ырааттуу негизде жүрүп жатат. «Бул — жарнама эмес. Бул — мамлекеттик чечим, системалуу иш жана элге болгон чыныгы жоопкерчилик. Президент Садыр Жапаровдун түз колдоосу менен бүгүн бүтүндөй өлкө боюнча миңдеген үй-бүлөлөр үчүн эшиктер ачылып жатат. Бул иштерди “жетишкендик” катары эмес, болушу керек болгон мамлекеттик стандарт катары кабыл алып жатабыз», — деп белгиледи ал.
Жаңылыктар / 05:00, 02 апреля, 2025
Бүгүн, 2-апрелде Президент Садыр Жапаровдун тапшырмасы менен Президенттин Иш башкаруучусу Каныбек Туманбаев Нарын облусуна иш сапары менен барды. Анда, облустун өнүгүүсүнө багытталган долбоорлор, Нарын шаарындагы инновациялык креативдүү демилгелер борбору менен таанышты. Аталган долбоордо 3 кабаттан турган имаратта заманбап китепкана, музей, инновоциялык теле-үн жазуу студиясы, кинотеатр, концерттик зал жана IT-аймактары каралган. Бир күндүк иш сапардын алкагында Нарын дарыясынын үстүнө салына турган 200 метрлик айнек көпүрөнүн долбоорун көрдү. Мамлекет Нарын облусундагы ички туризмди өнүктүрө турган жана социалдык долбоорлорду колдоп жатат. Бул жылы “Невский” бульвары, балдар үчүн оюн-зоок борбору, муниципалдык мончону куруу пландары коюлган. Президенттин иш башкаруучусу Каныбек Туманбаев аймактарды өнүктүрүү саясатынын маанилүүлүгүн белгилеп, бул долбоорлор сөзсүз ишке ашырыларын айтты: “Урматтуу президентибиз региондорду өнүктүрүүгө чоң маани берүүдө. Нарын шаары өз статусуна жооп бере тургандай болушу шарт. Учурда санариптештирүүнү күчөтүшүбүз зарыл. Ар бир кызмат көрсөтүү онлайн болушу керек. Өнүгүүнү дал ушул тармакта алдыга жылдырабыз. Кагаз иштерин электрондук форматка өткөрүү, максатка ылайык деп эсептейм. IT тармагынын өнүгүшү элдин жашоосун жеңилдетет. Бардык кызматтарды онлайн режимге өткөрүү – биздин башкы милдеттерибиздин бири.”
