Министрлер Кабинетинин Төрагасынын орун басары - Улуттук коопсуздук мамлекеттик комитетинин төрагасы Камчыбек Ташиев иш сапары менен Нарын облусуна келип, бир катар курулуш иштеринин жүрүшү менен таанышты. Сапардын алкагында Нарын районуна атайын техникалар тапшырылып, шаардагы социалдык жана инфраструктуралык объектилердин курулушу боюнча маалымат берилди. Учурда облус боюнча 15 миллиард сом бөлүнүп 127 ири долбоор ишке ашып жатат. Ошондой эле, быйыл 266 чакырым жолго асфальт төшөлүп, анын 200 чакырымы толугу менен бүткөрүлөрү белгиленди. Иш сапарга Президенттин Иш башкаруучусу Каныбек Туманбаев да катышып, курулуштардын жүрүшү менен жеринен тааныштырды. Ал белгилегендей, бул долбоорлор – Президенттин тапшырмаларынын алкагында ишке ашырылып жаткан ири иштердин бир бөлүгү. Сапар учурунда Камчыбек Ташиев Салкын-Төр мамлекеттик жаратылыш паркын Президенттин Иш башкармасынын балансына өткөрүп, толук реконструкциялоо боюнча тапшырма берди. Парк жаңылангандан кийин эс алуучулар үчүн заманбап шарттар түзүлүп, аймактын туризмдик мүмкүнчүлүгү жогорулайт.

Ысык-Көлдүн Каракол шаарында “Хан-Тенири” жаңы турак жай комплекси өз эшигин ачты. Учурда Президент Садыр Нургожоевичтин жетекчилиги астында өлкө боюнча миңдеген объектилер курулуп жатат. Бул долбоор да - “Менин үйүм” мамлекеттик турак жай программасынын алкагында ишке ашкан, Ысык-Көл облусундагы алгачкы мамлекеттик ипотекалык турак жай. Эми жүздөгөн үй-бүлөлөр жаңы батирлердин ачкычын алып, өз үйүнө ээ болуу бактысын сезет. Бул батирлер “Мамлекеттик ипотекалык компаниянын” кезегинде турган жарандарга жана батирдин баасынын 50% алдын ала төлөгөндөргө берилет. “Хан-Тенири” комплекси: • Жалпы 3 105 батир; • 69 блоктон турган 9 кабаттуу үйлөр; • Курулуш толугу менен 2027-жылдын аягына чейин аяктайт. Биринчи этапта — 420 батир: • 1 бөлмөлүү — 168, • 2 бөлмөлүү — 168, • 3 бөлмөлүү — 84; • 10 блок, ар бири 9 кабаттан; • Жалпы аянты — 24 974 м². • 1 450 унаа токтотуучу жай; • Заманбап мектеп; • Эки бала бакча; • Мечит жана башка социалдык объектилер. Бул программа Каракол менен эле чектелбейт курулуш иштери азыр Чолпон-Атада кызуу жүрүп, Балыкчыда да башталды.

2025-жылдын январь–июнь айларында «ЭлКат» жоопкерчилиги чектелген коому 935,7 млн сом киреше тапты. Бул өткөн жылдын ушул мезгилине салыштырмалуу 229 млн сомго көп болуп, өсүш 32%ды түздү. Ошол эле учурда таза пайда 97,7 млн сомго көбөйүп, 65%га өстү. Компания мамлекеттик башкарууга өткөрүлгөндөн кийин операциялык натыйжалуулук жогорулап, каржылык абал бир кыйла жакшырды. Компаниянын буга чейин 138 млн сом карызы болгон, аталган карызды кыска мөөнөт ичинде 100% төлөнүп берилди. «Бул компанияда да кыска убакыттын ичинде жакшы натыйжа болду. Президент Садыр Жапаров койгон тапшырмалардын негизинде киреше да, таза пайда да өсүп жатат. Мунун баары мамлекеттик активдерди эффективдүү башкаруунун үлгүсү», – деди Президенттин Иш башкаруучусу Каныбек Туманбаев.

Президенттин Иш башкармасы 2025-жылдын алты айында карамагындагы уюмдардын ишин жыйынтыктап, жалпы киреше 6 миллиард 200 миллион сомду түзгөнүн билдирди. Бул пландалган 5 миллиард 763 миллион сомдон 437 миллион сомго көп, план 107,6% аткарылганын билдирет.