Сектор башчысы
 Туратбек уулу Акылбек

тел. +996(312) 960335
e-mail: Этот адрес электронной почты защищен от спам-ботов. У вас должен быть включен JavaScript для просмотра.

Сектордун негизги милдеттери жана функциялары

Сектордун негизги милдеттери:

• Иш башкармасынын милдеттерин жүзөгө ашырууну жана коюлган максаттарга жетүүнү камсыз кылуучу ченемдик укуктук базаны иштеп чыгуу;
• Иш башкармасынын мүлктүк жана башка мыйзамдуу укуктарын жана кызыкчылыктарын укуктук ыкмалар менен коргоо;
• Иш башкармасынын функцияларын жүзөгө ашырууну укуктук камсыз кылуу;
• Иш башкармасынын ченемдик укуктук актыларынын, буйруктарынын, чечимдеринин жана укуктук мүнөздөгү башка документтеринин долбоорлорун даярдоого катышуу.

Сектор төмөнкү функцияларды аткарат:

• Иш башкармасынын профилдик түзүмдүкбөлүмдөрү менен биргеликте Иш башкармасы тарабынан иштелип чыгуучу ченемдик укуктук актылардын долбоорлорун даярдоого катышат;
• мамлекеттик органдар тарабынан Иш башкармасына макулдашууга киргизилген Кыргыз Республикасынын ченемдик укуктук актыларынын долбоорлоруна экспертиза жүргүзөт;
• Иш башкармасынын мыйзам долбоорлоо иштерин координациялоону жана жалпылоону жүзөгө ашырат;
• сот органдарында жана башка мамлекеттик органдарда укуктук маселелерди кароодо Кыргыз Республикасынын мыйзамдарында белгиленген тартипте Иш башкармасынын кызыкчылыктарын коргойт;
• профилдик түзүмдүк бөлүмдөрдүн өтүнмөлөрү боюнча чарбалык мамилелерди жөнгө салуучу келишимдердин долбоорлорун иштеп чыгат;
• Иш башкармасынын укуктук мүнөздөгү буйруктарынын, нускамаларынын жана башка документтеринин долбоорлорун макулдашат;
• эмгек тартибин бекемдөө боюнча иш-чараларды иштеп чыгууга жана жүзөгө ашырууга катышат;
• дооматтарды жана талаш-тартыштарды кароодо аныкталган Иш башкармасынын ишиндеги кемчиликтерди жоюу боюнча сунуштарды иштеп чыгат жана жетекчиликке берет;
• Иш башкармасында жана анын ведомстволук уюмдарында укуктук иштерге методикалык жетекчилик кылат, аталган иштин абалын текшерет, сектордун тажрыйба алмашуусун уюштурат, укуктук маселелер боюнча белгиленген тартипте кеңешмелерди чакырат жана семинарларды өткөрөт;
• Кыргыз Республикасынын ченемдик укуктук актыларын туура колдонуу үчүн Иш башкармасынын түзүмдүк бөлөмдөрүнө методикалык жардам көрсөтөт, кемчиликтерди жана бузууларды жоюу боюнча сунуштарды киргизет;
• Иш башкармасынын түзүмдүк бөлүмдөрү тарабынан берилген материалдардын негизинде сотторго доо арыздарын, доо арыздарына каршы пикирлерди жана дооматтарды даярдайт,ошондой эле Иш башкармасына келтирилген зыяндардын ордун толтуруу боюнча башка процессуалдык иш аракеттерди аткарат;
• ведомстволук уюмдардын укуктук иштери маселелери боюнча Иш башкармасына келип түшкөн даттанууларды, арыздарды өз убагында кароону жана алар боюнча корутундуларды даярдоону камсыз кылат;
• тиешелүү учурларда профилдик түзүмдүк бөлүмдөр менен биргеликте Иш башкармасынын буйруктарынынжана башка документтеринин расмий түшүндүрмөлөрүн даярдайт;
• ведомстволук уюмдардын уюмдаштыруу документтерин бекитүү боюнча Иш башкармасынын буйруктарынын тиешелүү долбоорлорун даярдайт.